Hórreo de Sar

Hórreo de Sar - Dodro - San Xián de Laíño

Imaxe: Sendeiros de Dodro | Concello de Dodro

Situado no alto, nun outeiro, no ángulo NW do núcleo.

A cimentación é unha repisa alta de cachotaría de granito, de factura ruda. Non ten soportes, asentando o tornarratos, corrido, directamente sobre a repisa. Ten dous claros, con balaústres de madeira e unha cinta, aínda que conserva a madeira en moi mal estado. Ten, aínda que en moi mal estado, catro portas de madeira no lateral sur: unha no claro leste e tres no claro oeste. No lateral norte ten acaroado un pequeno galpón de ladrillo e uralita. Non ten linteis. Columnas de pedra e cornixa de madeira. Armazón de madeira en moi mal estado para a suxeición da cubrición. Penal oriental de perpiaños de granito, sen ventilación e con pinche de pedra; e penal traseiro tamén de perpiaños de granito, sen ventilación, con pinche de pedra. Non ten sobrepenas. A cubrición é de tella do país, atopándose en moi mal estado. Non conserva os remates. Orientado ao NW-SE.

No 2010, di un dos propietarios, duns oitenta e pico anos, que é moi antigo, que lle acorda toda a vida.

  • INFORMACIÓN
  • Código: DO-HO247
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Castro
  • Acceso a pé: Bo
  • Galería de imaxes: Acceder
  • Conservación:

    Moi mala, en total estado de abandono. Tanto a  madeira como a cubrición están en moi mal estado. Non conserva os remates. O entorno está en total estado de abandono, con abundante vexetación.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 150)

    Sendeiros de Dodro

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Tarrío

Hórreo de Tarrío

Hórreo de Tarrío

Hórreo de Vigo