Eira das Cabanas (6 hórreos)
Imaxe: Xenealoxías do Barbanza
Na zona alta da aldea, na zona coñecida como Eira das Cabanas.
Conxunto integrado por seis hórreos de tipo Mahía e Noia, con claros de pedra deixando aberturas horizontais para a ventilación, mixtos de pedra e madeira ou restaurados con ladrillo.
A denominación dos hórreos é a seguinte: hórreo de Porto, hórreo de Deira, hórreo de Franco, hórreo de Miguel, hórreo de Pan e hórreo do Fino.
Na ficha do Inventario de Patrimonio dátase este conxunto de hórreos na primeira metade do século XIX, en torno a 1840, correspondente á primeira explosión do cultivo do millo na zona. Na Eira das Cabanas levantábanse antigamente hórreos rudimentarios construídos con corres de carballo ou de salgueiro e teito de palla sobre postes de pedra, chamadas cabanas, de aí o nome da eira. A Eira das Cabanas foi lugar de esfolla e de malla durante máis dun século. Tamén se empregou para as pandeiradas e os reloucos da mocidade, até o seu desprazamento para A Lavandeira. Parece que orixinariamente había dez hórreos: un foi trasladado de lugar e dos outros tres apenas quedan restos.
- INFORMACIÓN
- Código: DO-HO004
- Outras denominacións: Hórreos de Arriba de Imo
- Tipoloxía: Hórreos
- Cronoloxía: -
- Concello: Dodro
- Parroquia: San Xoán de Laíño
- Lugar: Imo
- Acceso a pé: Bo
- Galería de imaxes: Acceder
- Conservación:
Mala, xa que algúns introducen ladrillo en substitución da madeira, e empregan outros materiais modernos como cemento e a uralita.
- Protección:
Plan Xeral de Ordenación Municipal do Concello de Dodro (CH-03)
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 230)
- XEOLOCALIZACIÓN
- Coordenadas: 42.711574725132 , -8.7250467488764
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.