Hórreo de Lestrobe

Hórreo de Lestrobe - Dodro - Santa María de Dodro

Imaxe: Beatriz Pereiras

Na zona do Rueiro, moi preto doutro hórreo (nº 17), ao NW, mais noutra finca.

A cimentación non é visible, tendo como soportes catro cepas altas de pedra, con suave moldura na parte superior. O tornarratos é unha única plataforma corrida ao longo de todo o corpo do hórreo. Ten tres claros, con balaústres de madeira e dúas cintas, e unha porta de madeira no lateral leste. Non ten linteis. Columnas de pedra sobre as que son visibles molduras de madeira para a suxeición do teito. Cornixa de madeira. Penal frontal de pedra con porta de madeira e penal traseiro tamén de pedra, sen ventilación. Ten sobrepenas sobre os dous pinches, ambos de pedra. Cubrición con tella do país. Os remates son unha cruz latina con extremos florenzados sobre unha base en forma de escocia que descansa á súa vez sobre unha base cuadrangular; e un pináculo de gran tamaño no lado oposto. Orientado ao NE.

No 2010, segundo os veciños, tería máis de cen anos.

  • INFORMACIÓN
  • Código: DO-HO138
  • Outras denominacións: Hórreo do Figueiredo
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Lestrobe
  • Acceso a pé: Bo
  • Galería de imaxes: Acceder
  • Conservación:

    Regular, a madeira está en moi mal estado.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 18)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Rial da Lagoa

Hórreo de Bustelo

Hórreo de Lestrobe

Hórreo de Teaio