Casa de Castelao

Casa de Castelao - Rianxo - Santa Comba de Rianxo

Imaxe: roteirocastelao.gal

Esta edificación de finais do século XIX principios do século XX, foi a casa natal de Alfonso Daniel Rodríguez Castelao, declarada BIC (Ben de Interese Cultural) en 2007.

Edificación entre medianeiras de planta rectangular e tres andares con cuberta a dúas augas de tella. Está realizada con muros de cachotaría de granito con remates en cantaría nos recercados, esquinas, zócalo e imposta. Composición simétrica na fachada principal, con tres vanos por planta. Dous accesos en planta baixa, balcóns con varanda de ferro na intermedia e galería de aluminio no piso superior.

Os Castelao e os Dieste tiñan os domicilios moi próximos, só se metía unha casa polo medio; polo que podían comunicarse perfectamente desde as fiestras. Cabe pensar que esta proximidade propiciaría o compañeirismo entre o irmán maior de Rafael Dieste, Eduardo, e Castelao.

Ambos estudaron en Santiago, Eduardo, en principio no Seminario, e despois Filosofía e Letras. Castelao, logo de rematar o bacharelato, ingresa na Facultade de Medicina. Sen embargo, tanto un coma o outro sentíanse máis escritores e artistas que outra cousa. Cando coincidían en Rianxo sempre estaban argallando algún enredo.

En vida das irmás de Castelao esta casa funcionou coma un santuario do galeguismo. Por alí pasaron tanto históricos personaxes republicanos, como escritores e políticos da nova democracia. Mais unha vez desaparecida a irmá menor do autor de Sempre en Galiza, esmoreceu o lume da galeguidade no fogar máis emblemático do nacionalismo. A casiña de Rianxo, que tan ben cantara o seu preclaro amigo Otero Pedrayo, quedou baleira e esquecida.

  • INFORMACIÓN
  • Código: RI-AC056
  • Outras denominacións:
  • Tipoloxía: Arquitectura civil
  • Cronoloxía: Século XIX
  • Concello: Rianxo
  • Parroquia: Santa Comba de Rianxo
  • Lugar: Rúa de Abaixo
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (B-034)

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Patrimonio Galego

    Roteiro Castelao

    Suso de Toro | YouTube

    Fundación Castelao

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Escola do Pazo

Casa das Miráns

Casa Rañó

Casa de Isorna