Casa Nº 3 de Sestelo

Restos de edificación situada nunha finca de grandes dimensións delimitada por un muro de cachotaría de pedra, lindeira coa finca da vivenda cun reloxo de sol, no extremo leste do lugar de Sestelo. Acceso principal mediante unha porta alintelada situada xunto ao Cruceiro de Gómez. Construción de planta rectangular e dous andares, disposta perpendicular ao muro de peche e acaroado a el, xunto ao portón alintelado de acceso desde a rúa. Está resolta con muros de cachotaría de granito e cuberta a dúas augas de tella, actualmente derrubada. Fachadas de composición sinxela con accesos en planta baixa e pequenos ocos rectangulares no piso superior.