Casa do Concello de Pontecesures

Casa do Concello - Pontecesures - San Xulián de Requeixo

Imaxe: arquitecturadegalicia.eu

Cesar Portela, o autor do proxecto, defíneo do seguinte xeito: “O edificio da nova casa consistorial proxéctase nun soar alongado que ten fronte a unha vía do casco e á avenida de circunvalación. O réxime de propiedade dos terreos na zona e a diferenza de cota existente presenta dificultades de comunicación entre ámbalas dúas vías, o que obriga a resolver o seu enlace sobre esta parcela de propiedade municipal mediante senllas escalinatas que descorren a ambos os lados do edificio. Esta preocupación urbanística, a compactidade volumétrica exterior, e a dialéctica interior-exterior son os aspectos máis notables do proxecto. No andar a nivel de acceso sitúanse o vestíbulo, as oficinas xerais e o salón de sesións, espazos todos eles a dobre altura e que se definen mediante volumes prismáticos transversais, localizados a nivel do andar superior, e nos que se aloxa os despachos do alcalde, secretario, interventor e a sala de xuntas”.

No Salón de Plenos atopase a exposta a Bandeira do Carmelo, que forma parte da procesión o día do Carme (o primeiro domingo de xullo), sendo portada por valeiros uniformados e cos remos ao lombo. A bandeira foi regalada en 1912 por cesureños emigrados a Cuba á desaparecida "Liga de Amigos El Carmen". A bandeira que hoxe sae na procesión é unha reprodución da orixinal, na que se poden ver dúas curiosidades: por un lado o xentilicio que alí figura é "cesurenses" e por outro a diagonal da banda azul da bandeira galega está en sentido contrario.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Estación de Pontecesures

Pazo da Cova

Casa das Cunchas Nº 2 de Redondo

Casa natal de Carlos Maside