Hórreo de Teaio
Imaxe: Beatriz Pereiras
No lugar chamado O Quinteiriño.
A cimentación é unha repisa baixa de cachotaría de granito. Os soportes son catro cepas de perpiaños, coa pedra superior en posición horizontal. Os gabinetes están pechados con ladrillo e malla metálica para galiñeiro. Tornarratos corrido ao longo do corpo do hórreo. Ten tres claros, con balaústres de madeira e dúas cintas, con excepción do claro do norte, que está pechado con ladrillo. Ten unha porta de madeira no lateral oeste. Linteis de pedra con dúas fendas de ventilación horizontais cada un. Columnas e cornixa de pedra, esta última moldurada. Nas columnas son visibles unhas molduras decorativas en pedra de forma ovalada. Penal dianteiro de pedra con porta de madeira, e penal traseiro de pedra con doce fendas de ventilación horizontais. Sobrepenas nos dous pinches, ambos de pedra. No pinche dianteiro é visible unha fenda de ventilación horizontal. Cubrición de uralita. Remates: ten dous pináculos, o da parte dianteira piramidal rematado en bola ovoide e angulosa sobre base cuadrangular, e o da parte traseira piramidal estilizado sobre base cuadrangular. Orientado ao NE.
No 2010, segundo unha das propietarias, de 85 anos, o hórreo é moi antigo, acórdalle toda a vida. Segundo a ficha do Inventario de Patrimonio, sería de principios da década de 1920.
- INFORMACIÓN
- Código: DO-HO126
- Outras denominacións: Hórreo de Evangelina e Ramón
- Tipoloxía: Hórreos
- Cronoloxía: 1920
- Concello: Dodro
- Parroquia: San Xoán de Laíño
- Lugar: Teaio
- Acceso a pé: Bo
- Galería de imaxes: Acceder
- Conservación:
Mala, coa introdución de materiais de construción modernos, como o ladrillo e o cemento nos gabinetes e nos claros e a uralita na cubrición. Así mesmo, a madeira que conserva nos claros non se atopa en bo estado.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 265)
- XEOLOCALIZACIÓN
- Coordenadas: 42.714900538691 , -8.7539851644499
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.