Hórreo de Traxeito

Hórreo de Traxeito - Dodro - San Xián de Laíño

Imaxe: Beatriz Pereiras

Situado na finca traseira dunha vivenda privada, correspondente ao solar nº 1.

A cimentación non é visible. Os soportes son catro cepas de pedra. Os gabinetes están pechados con ladrillo. O tornarratos é unha peza corrida ao longo do corpo do hórreo. Ten tres claros con balaústres de madeira e dúas cintas, estando a madeira en bastante mal estado. Non ten linteis. Columnas e cornixa de pedra. Penal dianteiro de pedra con porta de madeira e penal traseiro tamén de pedra con sete fendas de ventilación horizontais. Sobrepenas nos dous pinches, ambos de pedra. Cubrición de tella do país. Remates: cruz latina alta con molduracións de sección cuadrangular sobre escocia; e pináculo piramidal moi estilizado co extremo superior partido. Orientado ao N.

No 2010, os veciños non saben concretar a antigüidade; parece que podería situarse nos anos 20-30 do século pasado, en función da súa similitude con outros hórreos do concello.

  • INFORMACIÓN
  • Código: DO-HO035
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Traxeito
  • Acceso a pé: Bo
  • Galería de imaxes: Acceder
  • Conservación:

    Regular, coa madeira en mal estado e con ladrillo nos gabinetes.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 177)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Vigo

Hórreo de Bustelo

Eira da Malla de Bexo (2 hórreos)

Hórreo Nº 1 da Casa Aguirre