Hórreo de Manselle
Imaxe: Beatriz Pereiras
Localizado nunha pequena parcela detrás da casa á que pertence, na Aldea de Riba.
A cimentación é unha repisa alta de cachotaría de granito, duns 2 metros de alto, xa que ten que salvar un importante desnivel aquí existente. A repisa ten acaroado polo leste unha prolongación de pedras a xeito de plataforma, no que é visible un pío, onde se trituraba a comida dos animais. Os soportes son tres cepas de pedra, con moldura semicircular na parte superior nas cepas laterais, e troncopiramidal invertido na cepa do centro. Os gabinetes están pechados con ladrillo e porta de madeira entre columnas de cemento no lateral norte. O tornarratos é unha peza corrida ao longo do corpo do hórreo. Ten dous claros, con balaústres de madeira e dúas cintas, con porta de madeira no lateral norte, mentres que no lateral sur está pechado con ladrillo. Non ten linteis. Columnas e cornixa de pedra. Penal dianteiro de pedra co van da entrada alintelado pero pechado con ladrillos; e penal traseiro de pedra sen ventilación. Sobrepenas nos dous pinches, ambos de pedra. A cubrición é de uralita con tella do país por riba. Remates: cruz latina baixa florenzada con botón central e ángulos en chafrán, moi gastada, faltándolle o brazo esquerdo, sobre base cuadrangular; e pináculo piramidal sobre base cuadrangular. Orientado ao SW.
No 2010, os propietarios e máis veciños aseguran que é moi antigo, de máis de cen anos. Por factura parece, efectivamente, moi antigo.
- INFORMACIÓN
- Código: DO-HO191
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xián de Laíño
- Lugar: Manselle
- Acceso a pé: Bo
- Galería de imaxes: Acceder
- Conservación:
Mala, coa madeira en mal estado e a pedra moi sucia cuberta de musgo e liques, ao igual que a cubrición. Con materiais de construción modernos, como o ladrillo e o cemento nos gabinetes, o ladrillo substituíndo a porta de madeira frontal e a uralita na cubrición. O remate da cruz está incompleto, faltándolle un brazo.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 100)
- XEOLOCALIZACIÓN
- Coordenadas: 42.730430037533 , -8.7189282217049
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.