Hórreo de Bustelo

Hórreo de Bustelo - Dodro - San Xoán de Laíño

Imaxe: Autor imaxe

Situado no medio da aldea, ao pé dunha pista asfaltada, servindo de muro de peche dunha propiedade.

A cimentación é unha repisa alta de perpiaños e cachotes de granito. Acaroado ao lado leste, ten un pequeno e rudimentario cuberto feito cunha gran lousa e sobre pés de pedra. Os soportes son catro cepas de perpiaños. Os gabinetes están pechados con ladrillo para uso doméstico. Tornarratos corrido ao longo de todo o corpo do hórreo. Ten tres claros, pechados con ladrillo, cunha porta no lateral leste, enmarcada por dúas columnas de pedra, á que lle falta a folla de madeira. Non ten linteis. Columnas e cornixa de pedra. Os dous penais son de pedra, con sete fendas de ventilación horizontais. Sobrepenas nos dous pinches, ambos de pedra. Cubrición de tella do país. Remates: no penal do norte, o remate está cuberto de hedra, polo que apenas se distingue a base cuadrangular e o arranque dun pináculo; no penal do sur, pináculo piramidal estilizado rematado en pequena bóla ovoide e sobre base cuadrangular. Orientado ao NE-SW.

Segundo a ficha do Inventario de Patrimonio, este hórreo sería anterior á década de 1920, pola súa similitude con outros hórreos desta aldea. Carécese de documentos.

  • INFORMACIÓN
  • Código: DO-HO047
  • Outras denominacións: Hórreo de Isolina
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: Bustelo
  • Acceso a pé: Bo
  • Galería de imaxes: Acceder
  • Conservación:

    Moi mala, non conservando a madeira dos claros, substituíndoa por ladrillo. Introduce tamén ladrillos nos gabinetes. A cubrición, aínda que de tellas do país, atópase en mal estado.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 209)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Reboiras

Hórreo de Teaio

Hórreo de Eiró

Hórreo de Rialiño