Pazo do Vinculeiro

Pazo do Vinculeiro - Padrón - Santiago de Padrón

Imaxe: Biblioteca Virtual del Patrimonio Bibliográfico

Residencia pacega, probablemente con orixes finais do século XVII e comezos do XVIII, coa planta en L, cun corpo engadido no ángulo interior do mesmo, construído todo en cantaría de granito. Fachada con escaleira e patín cuberto. O máis salientable é o arco de medio punto baixo o seu corredor.

Pertenceu á burguesía rentista que vivía de cobrar foros por arrendamento de terras e propiedades á veciñanza. O nome ten relación co vinculeiro fillo primoxénito que herda a propiedade. Polos brasóns insculpidos na súa fachada coñécense as familias que o posuíron: Montenegro, Andrade, Caamaño, Torre e Moscoso. Estas dúas últimas ramas emparentadas directamente cos propietarios tamén do Pazo da Torre do Monte. O pazo tamén pertenceu a Leoncio Acosta e a viúva de Baltar, Isabel Domínguez. Nos anos 60 do século pasado albergou unha das escolas de primeira ensinanza.

Cada 8 de decembro celébrase no lugar a Festas da Santiña da Burata. A Santa estivo desaparecida uns cantos anos, mais nos anos 30 do século pasado apareceu entre o estrume na corte das vacas nunha casa preto do lavadoiro de Extramundi de Abaixo, e posteriormente colocouse nunha fornela no muro exterior do pazo.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Escola de Pazos

Casa da Azucreira

Casa da Capelanía

Pazo do Barco