Casa dos Cóengos

Casa dos Cóengos - Padrón - Santa María de Iria Flavia

Imaxe: Turismo de Galicia

Antigas casas dos cóengos, construídas en 1790 para residencia dos eclesiásticos que atendían os servizos relixiosos da Colexiata de Santa María A Maior de Iria Flavia, até a súa supresión e conversión en parroquia no 1851.

Trátase dunha edificación de estilo neoclásico, de planta rectangular moi alongada, acadando na fachada uns 159 metros. Fábrica de cantaría de granito. A construción está estruturada pola repetición dun módulo habitable ou vivenda, conformada por oito casas. Posúe unha altura e prescinde de calquera elemento decorativo. Grande cornixa moldurada, de moito voo. Nos módulos do centro, en fronte á Igrexa de Santa María de Adina, elévase un grande remate de tímpano curvo con escudo.

Alberga o Museo Camilo José Cela e o Museo Ferrocarrileiro John Trulock, en lembranza do avó do Premio Nobel, un inglés que chegou a Galicia para impulsar a primeira liña férrea que uniu a Cornes, en Santiago, con Carril, en Vilagarcía, no 1882.

  • INFORMACIÓN
  • Código: PA-AC016
  • Outras denominacións:
  • Tipoloxía: Arquitectura civil
  • Cronoloxía: 1790
  • Concello: Padrón
  • Parroquia: Santa María de Iria Flavia
  • Lugar: Iria Flavia
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Padrón

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Padrón, aprobado o 27 de xullo de 1994

    Fundación Camilo José Cela

    geocaching.com

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Finca O Carballal

Pazo de Santa Cruz da Granxa

Estación de Padrón

Casa de Macías O Namorado