Reloxo de sol Nº 1 de Vigo

Reloxo de sol Nº 1 de Vigo - Dodro - Santa María de Dodro

Imaxe: Beatriz Pereiras

Localizado nun hórreo de Vigo, pertencente á casa nº 23 do núcleo, preto da estrada AC-305, no medio dunha finca.

Fermoso exemplar de reloxo de sol situado no pinche traseiro dun hórreo de Vigo. Reloxo circular de pedra, exento, sobre unha base en escocia. No interior do reloxo, remarcando o seu perímetro exterior, é visible unha incisión continua que remata, na parte superior e na parte inferior, en decorativas volutas. Sobre as volutas superiores é visible un remate rectangular en posición horizontal. Conserva o gnomon, sendo este unha barra ríxida, e as liñas horarias. Trátese dun cuadrante vertical ortomeridiano. Orientado ao sur.

É un hórreo antigo, como a casa, vivenda tradicional, do século XIX. No fronte do hórreo pon a data, mais actualmente é ilexible.

  • INFORMACIÓN
  • Código: DO-OC040
  • Outras denominacións:
  • Tipoloxía: Obra civil
  • Cronoloxía: Século XIX
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Boa, conserva o gnomon e son visíbeis as liñas horarias, aínda que xa con certo desgaste.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010

    Reloxos de sol de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Reloxo de sol de Bexo

Reloxo de sol de Reboiras

Pombal da Casa das Señoritas de Rial

Pontella de Susavila