Hórreo de Vigo
Imaxe: Beatriz Pereiras
Levántase embutido nunha finca traseira da vivenda á que pertence, a casa nº 11 na AC-305, encaixado entre un alpendre de cemento e o peche do patio da casa.
Cimentado sobre unha alta repisa de perpiaño de granito encintado con cemento, duns 2,50 metros de altura. Non ten soportes, o tornarratos asenta directamente sobre a repisa, sendo este unha única peza corrida ao longo de todo o corpo do hórreo. Ten dous claros, pechados con ladrillo, con espazo para unha porta de madeira no lateral leste. Non ten linteis. Columnas de pedra. Non conserva a cornixa. Penal da fronte de pedra con porta de madeira e penal traseiro de pedra apenas visible, xa que se incrusta nunha parede. Ten sobrepenas no pinche dianteiro, de pedra; o penal traseiro non se ve. Cubrición de uralita. Remates: cruz latina alta florenzada de sección cuadrangular, sobre base cuadrangular e pináculo piramidal estilizado. Orientado ao NE.
O avó do propietario comprou esta casa xa co hórreo, mais reformouno, substituíu os balaústres de madeira dos claros por ladrillo.
- INFORMACIÓN
- Código: DO-HO162
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: Santa María de Dodro
- Lugar: Vigo
- Acceso a pé: Bo
- Galería de imaxes: Acceder
- Conservación:
Mala, non conserva a cubrición nin a madeira, introducindo materiais de construción modernos (ladrillo e cemento). Así mesmo, localízase inmerso entre construcións modernas de cemento e ladrillo.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 62)
- XEOLOCALIZACIÓN
- Coordenadas: 42.715142182582 , -8.6930057822228
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.
