Hórreo de Manselle
Imaxe: Beatriz Pereiras
Situado nunha propiedade privada pechada, axardinada, na entrada sur da aldea, zona coñecida como a Aldea de Abaixo.
Curioso exemplar de hórreo, xa que está feito todo en pedra (tipo Noia), cando o normal no concello é o de tipo mixto. A cimentación é unha repisa de cachotaría de granito de diferentes alturas para salvar o desnivel existente. Os soportes son catro cepas de pedra, cos gabinetes pechados con uralita. O tornarratos é unha peza corrida ao longo do corpo do hórreo. Ten un só claro, con peche de pedra, con fendas de ventilación horizontais, en fiadas, e con porta de madeira no lateral oeste. En parte a pedra vese encintada con cemento. Os dous penais son de pedra con 16 fendas de ventilación horizontais. Sobrepenas nos dous pinches, ambos de pedra. A cubrición, actualmente arranxada, é de uralita con tella do país por riba. Remates: cruz latina alta e florenzada con botón central, ángulos en chafrán, sobre base cuadrangular; e pináculo cilíndrico rematado en bóla sobre base cuadrangular. Orientado ao NE-SW.
No 2010, di o propietario que é moi antigo, máis de cen anos, que lle acorda toda a vida, mais que foi cambiado de sitio, xa que antes estaba no centro da aldea.
- INFORMACIÓN
- Código: DO-HO179
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xián de Laíño
- Lugar: Manselle
- Acceso a pé: Bo
- Galería de imaxes: Acceder
- Conservación:
Regular, xa que introduce materiais de construción modernos, como a uralita e o cemento.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 91)
- XEOLOCALIZACIÓN
- Coordenadas: 42.728232338612 , -8.7173885614221
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.