Hórreo de Rial da Lagoa
Imaxe: Beatriz Pereiras
Localizado nunha parcela pechada con arames e malla metálica, e dedicado a galiñeiro, ao pé dunha pista asfaltada. Pertence á casa identificada co nº 27 de Rial.
A cimentación é unha repisa de perpiaños e cachotes de granito, encintados en parte con cemento, duns 50 centímetros de altura. Os soportes son catro cepas, estando os dous últimos gabinetes pechados con cemento e o outro con ladrillo no lado oeste, mentres que no lateral leste están pechados con malla metálica, e cun espazo pechado tamén con arames fora e acaroado empregado para galiñeiro. O tornarratos é unha peza corrida ao longo do corpo do hórreo. Ten tres claros con balaústres de madeira e dúas cintas, aínda que conserva a madeira en mal estado, cunha porta de madeira no lateral oeste. Os linteis, de pedra, presentan dúas fendas de ventilación horizontais cada un. Columnas e cornixa de pedra. Penal dianteiro de pedra con porta de madeira, e penal traseiro de pedra sen ventilación. Sobrepenas nos dous pinches, ambos de pedra. A cubrición é de uralita con tella do país por riba. Remates: cruz latina baixa de sección cuadrangular nos extremos e ángulos en chafrán sobre escocia; e pináculo piramidal rematado en bola sobre base cuadrangular. Orientado ao NE.
No 2010, di unha veciña que se trata dun hórreo antigo, que se herdou dos avós das actuais propietarias. Sería de mediados do século XIX.
- INFORMACIÓN
- Código: DO-HO099
- Outras denominacións:
- Tipoloxía: Hórreos
- Cronoloxía: Século XIX
- Concello: Dodro
- Parroquia: San Xián de Laíño
- Lugar: Rial da Lagoa
- Acceso a pé: Bo
- Galería de imaxes: Acceder
- Conservación:
Mala, coa madeira en mal estado e introducindo materiais de construción modernos, como ladrillos, cemento e malla metálica nos gabinetes e uralita na cubrición.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 128)
- XEOLOCALIZACIÓN
- Coordenadas: 42.721934269558 , -8.7161966270957
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.