Hórreo de Lestrobe

Hórreo de Lestrobe - Dodro - Santa María de Dodro

Imaxe: Beatriz Pereiras

A Casa do Piñón, á que pertence este hórreo, data, segundo reza no arco superior da porta, de 1879, aínda que actualmente está restaurada. Está situada na rúa Fortunato Cruces nº 3, na marxe esquerda da AC-307 segundo se entra en Lestrobe desde o norte. Trátase dunha vivenda tradicional de pedra, con construcións adxectivas, incluíndo este hórreo en moi bo estado de conservación, xa restaurado.

Trátase dun hórreo de tipo mixto, cimentado sobre unha repisa de cachotaría de granito con tres grades de subida na parte frontal. Os soportes son tres cepas de pedra. O tornarratos é unha pedra transversal sobre cada cepa. Ten dous claros, con balaústres de madeira e dúas cintas, cunha porta de madeira no lateral oeste. Linteis, columnas e cornixa de pedra. Penal dianteiro de pedra con porta de madeira. Penal traseiro tamén de pedra con fendas de ventilación. Cuberta de tella do país. Con dous pináculos estilizados en cada extremo a modo de remates.  Orientado ao Norte

Supónselle a mesma antigüidade que a casa (finais do século XIX).

  • INFORMACIÓN
  • Código: DO-HO137
  • Outras denominacións: Hórreo da Casa do Piñón
  • Tipoloxía: Hórreos
  • Cronoloxía: 1879
  • Concello: Dodro
  • Parroquia: Santa María de Dodro
  • Lugar: Lestrobe
  • Acceso a pé: Bo
  • Galería de imaxes: Acceder
  • Conservación:

    Moi boa, debeu ser restaurado recentemente.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 38)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Tarrío

Hórreo de Rial da Lagoa

Eira de Traxeito (3 hórreos)

Hórreo de Rial da Lagoa