Hórreo de Imo

Hórreo de Imo - Dodro - San Xoán de Laíño

Imaxe: Beatriz Pereiras

Na horta do seu propietario, xunto a vivenda familiar, nas aforas do núcleo.

A cimentación é unha repisa de perpiaños e cachotes de granito, encintada con cemento e cun espazo no seu interior para uso doméstico. Os soportes son tres cepas de perpiaño, encintadas tamén con cemento, e cunha pedra horizontal na parte superior. O tornarratos é unha peza corrida ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral oeste. Non ten linteis. Columnas de pedra e cornixa de madeira. Penal dianteiro de pedra con porta de madeira, e penal traseiro de pedra con oito fendas de ventilación horizontais. Sobrepenas nos dous pinches, ambos de pedra. Cubrición de uralita e por riba tella do país. Non conserva os remates. Orientado ao NE.

Segundo a ficha do Inventario de Patrimonio, é da primeira década do século XX, aínda que a súa estrutura probablemente sexa moi anterior, polo menos media centuria. Actualmente en uso.

  • INFORMACIÓN
  • Código: DO-HO071
  • Outras denominacións: Hórreo de Resúa de Arriba
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    Regular, restaurado polos propietarios, coa madeira e a cubrición reformadas, aínda que non conserva os remates e introduce uralita na cubrición. 

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 235)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Reboiras

Hórreo de Dodriño

Hórreo de Bexo

Hórreo de Tallós