Hórreo de Castro
Imaxe: Beatriz Pereiras
No lugar coñecido como a Eira de Abaixo, no ángulo SE do núcleo. Ao pé da estrada.
A cimentación é unha repisa de cachotaría de granito, de factura ruda, de aproximadamente 1,7 metros de alto. Non ten soportes, asentando o tornarratos directamente sobre a repisa. O tornarratos é corrido ao longo do corpo de todo o hórreo. Ten tres claros, con balaústres de madeira e unha cinta, a madeira en moi mal estado, sendo substituída no claro occidental por ladrillo, no lateral sur. Portas de madeira no lado interior do hórreo, o que da a finca (lateral sur). Non ten linteis. As columnas son de pedra e a cornixa de madeira. Os dous penais son de perpiaños de granito, de cantaría ruda, sen ventilación. Ten sobrepenas nos dous pinches, ambos de pedra. Cubrición de uralita e de tella do país, en moi mal estado. Non conserva os remates. Orientado ao NW-SE.
Segundo a ficha do Inventario de Patrimonio, é da década de 1860. Sinalar que nesta Eira de Abaixo, que era privada, había un terceiro hórreo, coñecido como o Hórreo da Ardeira, de madeira, con pés de pedra e tornarratos circulares, do que hoxe tan só quedan unhas pedras dispersas.
- INFORMACIÓN
- Código: DO-HO206
- Outras denominacións: Hórreo Nº 2 da Eira de Abaixo
- Tipoloxía: Hórreos
- Cronoloxía: 1860
- Concello: Dodro
- Parroquia: San Xoán de Laíño
- Lugar: Castro
- Acceso a pé: Bo
- Galería de imaxes: Acceder
- Conservación:
Moi mala, completamente arruinado. A madeira e a cubrición están en moi mal estado. Un dos propietarios colocou ladrillo na metade dun claro. Recoméndase encarecidamente a súa restauración.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 217)
- XEOLOCALIZACIÓN
- Coordenadas: 42.71954894206 , -8.7201125757686
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.