Hórreo de Tarrío
Imaxe: Beatriz Pereiras
No patio pechado da casa, na parte traseira, correspondendo ao solar nº 26.
A cimentación é unha repisa alta de cachotaría de granito e argamasa, de 1,20 metros de alto. Os soportes son tres cepas de pedra molduradas na parte superior e inferior. Os gabinetes, abertos, son empregados para gardar leña. O tornarratos é unha peza corrida ao longo do corpo do hórreo. Ten dous claros con balaústres de madeira e dúas cintas. Columnas e cornixa de pedra. Non ten dinte. Penal dianteiro de pedra con porta de madeira e penal traseiro de pedra con oito fendas de ventilación horizontais. Sobrepenas nos dous pinches, ambos de pedra. Cubrición de tella do país. Remates: cruz latina florenzada con botón central, cos ángulos en chafrán e sobre escocia; e pináculo piramidal de gran tamaño sobre base cuadrangular. Orientado ao NE.
No 2010, di a propietaria que tería máis de cen anos, aínda que non pode precisar a súa antigüidade.
- INFORMACIÓN
- Código: DO-HO027
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xián de Laíño
- Lugar: Tarrío
- Acceso a pé: Bo
- Galería de imaxes: Acceder
- Conservación:
Moi boa, foi restaurado polos propietarios hai uns dez anos, cambiando a madeira, a cubrición e a cruz, que foi derrubada no ciclón sufrido nos anos trinta.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 156)
- XEOLOCALIZACIÓN
- Coordenadas: 42.720406767396 , -8.7111611100878
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.