Hórreo de Bustelo

Hórreo de Bustelo - Dodro - San Xoán de Laíño

Imaxe: Beatriz Pereiras

Nun outeiro, no lugar coñecido como A Eira, no ángulo SE da aldea.

A cimentación é unha repisa baixa de cachotes de granito encintados con cemento, a cal asenta sobre a rocha natural. Os soportes son cinco cepas de perpiaños. Os dous gabinetes do sur están pechados con ladrillos e os do norte teñen restos de balaústres de madeira. Tornarratos corrido ao longo de todo o corpo do hórreo. Ten catro claros, con dous claros e medio pechados con ladrillo e o resto con balaústres de madeira e dúas cintas. Ten unha porta de madeira no lateral leste. Non ten linteis. Columnas e cornixa de pedra, esta última moldurada. Penal dianteiro de pedra con porta de madeira, e penal traseiro de perpiaños de granito, sen ventilación. Sobrepenas nos dous pinches, ambos de pedra. Cubrición de tella do país, en bastante mal estado. Remates: non conserva a cruz, só a base cuadrangular; na parte traseira, pináculo piramidal estilizado rematado en bóla ovoide e angulosa sobre base cuadrangular. Orientado ao NE.

Segundo a ficha do Inventario de Patrimonio, habería que datalo a principios do século XX, aínda que non hai referencias concretas sobre a súa cronoloxía. Seguramente construído antes de 1920 por analoxía con outros exemplares semellantes.

  • INFORMACIÓN
  • Código: DO-HO040
  • Outras denominacións: Hórreo dos Tobíos
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: San Xoán de Laíño
  • Lugar: Bustelo
  • Acceso a pé: Bo
  • Galería de imaxes: Acceder
  • Conservación:

    Moi mala, coa substitución da madeira por ladrillo en dous claros e medio, mentres que a madeira que conserva no resto dos claros e nos gabinetes está en moi mal estado. A cubrición tamén se atopa en pésimas condicións.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 203)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Lestrobe

Hórreo da casa reitoral de San Xián de Laíño

Hórreo de Bustelo

Hórreo de Teaio