Cruceiro da Igrexa de San Xoán de Laíño

Cruceiro da Igrexa de San Xoán de Laíño - Dodro - San Xoán de Laíño

Imaxe: José Alberto Solla Barreiro

Situado no adro da igrexa parroquial, nun lateral da mesma.

Feito de granito e cemento. Mide 4,50 metros de alto por 2,05 de ancho. O baseamento é de cemento, sobre tres grades cuadrangulares, a primeira delas semisoterrada. O pedestal é de cemento, cúbico, remata con chafráns, paramentos recadrados. O varal é un fuste de cemento, estilizado de sección cadrada en inicio e octogonal no resto. O capitel é de granito, cuadrangular, con astrágalo cuadrangular liso, ábaco con lados curvos e vértices chafranados, volutas, follas de acacia e querubíns. A cruz é de sección circular, leñosa con nós e brazos desiguais. No anverso da cruz ten un Cristo crucificado con tres cravos, inclinando a cabeza cara o ombro esquerdo, coas mans pechadas. Con coroa de espiñas, pano de pureza anoado á dereita, INRI (pergamiño). No reverso da cruz hai unha Virxe co neno coroada e sobre peaña dun querubín.

Ten máis de 100 anos a cruz e o capitel, mentres que o fuste, a basa e a plataforma son máis recentes, froito dunha restauración. Este cruceiro non é o orixinal, polo menos a cruz, posto que foi cambiado en tempos polo Cruceiro de Ignacio en Bexo.

  • INFORMACIÓN
  • Código: DO-ER002
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: A Igrexa
  • Acceso a pé: Bo
  • Galería de imaxes: Acceder
  • Conservación:

    Regular, co baseamento, pedestal e varal de cemento.

  • Protección:

    Plan Xeral de Ordenación Municipal do Concello de Dodro (CR-02)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Cruceiros de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro da Tomada

Cruceiro de Ignacio

Cruceiro de Bustelo

Cruceiro do Soutiño