Petróglifo dos Ballotes

Petróglifo dos Ballotes - Vilagarcía de Arousa - San Xens de Bamio

Imaxe: Megaliticia

Os Ballotes son uns dos máis coñecidos e estudados petróglifos de Galicia desde comezos do século XX. Ademais, dado o seu pronto descubrimento e o seu interese, é unha das estacións de arte rupestre máis citadas pola bibliografía. Foi repetidamente citado nas sínteses de numerosos autores, e visitado a principios e mediados de século por numerosos investigadores ilustres.

O conxunto de petróglifos dos Ballotes está situado na franxa litoral do interior da Ría de Arousa, nunha zona cunha forte inclinación cara ao oeste, cun bo dominio visual da ría e a banda litoral. Nesta zona atópanse numerosos petróglifos cunha gran variedade de gravados xeométricos e con figuras de animais realizados sobre un conxunto de 15 rochas de granito, que foron organizadas ou catalogadas, en sete xacementos a partir dos traballos arqueolóxicos de 2009.

Entre os gravados figurativos presentes nestes petróglifos, pódense admirar unha gran cantidade e variedade de animais (chamadas figuras zoomorfas), entre os que destacan os cérvidos. Tamén hai escenas de animais en actitude de berregar, e composicións nas que os cuadrúpedes ordénanse de forma lineal; outras de cervos arrastrando posibles discos solares, e tamén, existe unha na que podería representarse unha escena de equitación.

  • INFORMACIÓN
  • Código: VI-AQ002
  • Outras denominacións:
  • Tipoloxía: Arqueoloxía
  • Cronoloxía: Idade do Bronce
  • Concello: Vilagarcía de Arousa
  • Parroquia: San Xens de Bamio
  • Lugar: O Salgueiral
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Vilagarcía de Arousa (3 PHA- GA36060003)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Vilagarcía de Arousa, aprobado o 2 de abril de 2000

    Patrimonio Galego

    A pedra do Encanto

    Megaliticia

    revista eSmás

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Torre do Meadelo

Xacemento romano de Punta Grandoiro

Petróglifo do Meadelo

Petróglifo dos Ballotes