Peto de ánimas do Pino

Monumento elaborado principalmente en pedra de cantaría, con certos complementos metálicos. Rodeado dun peche exterior. O pedestal estrutúrase a xeito de macizo piar de sección cuadrangular sobre plinto basal. Está estruturado en tres bloques. O superior posúe o peto para as esmolas. O retablo de ánimas adoita un feitío harmónico e polimorfo, a xeito de crecente inferior sobre se superpón un lenzo rectangular rematado en frontón ou voadizo curvo de cornixa. A nivel xeral trátase dunha obra de moi boa labra.

A partir do Concilio de Trento, no século XVI, reforzouse a idea do purgatorio. Proba desta revitalización na crenza dun paso intermedio previo a chegar ao ceo, é a construción dos petos de ánimas. A finalidade destes é que os vivos, por medio de esmolas, contribúan á salvación das almas que purgan os seus pecados no purgatorio e alcance a felicidade no ceo.