Cruceiro da Tarroeira

Cruceiro da Tarroeira - Valga - San Miguel de Valga

Imaxe: Cruceiros de Galicia

Elaborado en cemento e pedra de cantería, con aditamento metálico. Aséntase sobre unha plataforma de cemento de planta cadrada. Baseamento en dous corpos de granito. Pedestal cúbico cunha cartela rectangular en cada fronte. Varal monolítico, de sección cuadrangular e superficie lisa. O capitel adopta morfoloxía cúbica enmarcada por colariño e ábacos rectos. Sobrecapitel a xeito de moldura con remate recto moi saído. A cruz é latina de brazos rectos, cabos lisos e sección cadrada, rematada na fronte do pau maior por unha cartela moi oxidada cravada ao mastro. No anverso observamos a Crucifixión. O reverso presenta a Inmaculada.

Trátase dun cruceiro conmemorativo dunha misión levada a cabo no ano 1896.

  • INFORMACIÓN
  • Código: VA-ER032
  • Outras denominacións:
  • Tipoloxía: Elementos relixiosos
  • Cronoloxía: Século XIX
  • Concello: Valga
  • Parroquia: San Miguel de Valga
  • Lugar: Tarroeira
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    PXOM de Ordenación Municipal do Concello de Valga (AR-404)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruz Nº 2 de Vilarello

Cruz de Ferreirós

Cruceiro de Cimadevila

Vía crucis da Igrexa de Santa María de Xanza