Capela de San Paio

Capela de San Paio - Valga - Santa Comba de Cordeiro

Imaxe: Concello de Valga

Capela de planta rectangular, muros de cachotaría e cuberta a dúas augas de tella. O campanario emprázase enriba da portada, no plano da fachada.

Todos os 2 de febreiro, coincidindo co Día da Candeloria, a Procesión dos Lacóns percorre varios lugares da parroquia de Cordeiro (Vilar, Vilarello, Moldes, As Eiras, Outerio, Ferreirós e Beiro), partindo desta capela e chegando á Igrexa de Santa Comba de Louro, onde unha vez alí os lacóns son poxados. A orixe desta procesión remóntase ao século XIX, cando unha epidemia afectou ao gando, momento este que provocou que os veciños  comezaran a ofrecer lacóns aos santos. O 25 de xaneiro, festividade de San Paio, as imaxes de Santo Antonio e San Roque trasládanse desde a igrexa parroquial até a capela de Vilar, permanecendo algo máis dunha semana, até que, coincidindo coa Candeloria, ambos santos, acompañados de San Paio regresan en procesión.

  • INFORMACIÓN
  • Código: VA-AR003
  • Outras denominacións:
  • Tipoloxía: Arquitectura relixiosa
  • Cronoloxía: Século XVII
  • Concello: Valga
  • Parroquia: Santa Comba de Cordeiro
  • Lugar: Vilar
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    PXOM de Ordenación Municipal do Concello de Valga (AR-224)

    Inventario Xeral do Patrimonio Cultural de Galicia

  • Referencias:

    A Veiga Máxica

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Igrexa de San Salvador de Setecoros

Capela do Pazo de Raxoi

Capela de San Paio

Igrexa de Santa Comba de Louro