A Veiga
Este xacemento foi catalogado durante a revisión arqueolóxica das obras de construción do gasoduto Valga-Tui, debido á aparición de materiais soltos e dispersos, tanto en superficie da pista, coma nas zonas de acumulación de cascallos producidos pola apertura da zona.
En total, ao longo duns 400 metros, foron recuperados un total de 28 exemplares, correspondendo a 2 líticos (ambos de adscrición e tipoloxía indeterminadas) e 28 cerámicas. Deste último grupo, 15 anacos foron determinados como correspondentes á época medieval (14 vasillas lisas e 1 asa), 6 fragmentos de posible adscrición romana (3 tellas, 1 vasilla, 1 borde e 1 fondo), 2 anacos foron clasificados como indíxenas ou castrexos (1 borde e 1 vasilla con decoración espigada), mentres que os 3 anacos restantes foron adscritos a un momento impreciso entre a época romana e a medieval (1 fragmento de tella e 2 vasillas con posible barro vermello).
Na revisión feita para a elaboración do catálogo do PXOM do Concello de Valga, non se localiza ningún resto material, non observando tampouco indicios estruturais que axuden a identificar o tipo de xacemento ao que corresponden tales achados. A toponimia localizada na revisión catastral aporta nas proximidades os nomes de Redonda e Foxo (este último, reiterado en varias zonas de Valga, e asociado ás ribeiras dos ríos e regatos).
- INFORMACIÓN
- Código: VA-AQ014
- Outras denominacións:
- Tipoloxía: Arqueoloxía
- Cronoloxía: Época romana-Idade Media
- Concello: Valga
- Parroquia: San Salvador de Setecoros
- Lugar: Reguengo
- Acceso a pé: Bo
- Galería de imaxes: Acceder
- Conservación:
O lugar onde se empraza o xacemento aparece ocupado por fincas de cultivo, con zonas en socalcos, sen terse observado maiores alteracións que a presenza do gasoduto Valga-Tui.
- Protección:
PXOM de Ordenación Municipal do Concello de Valga (AR-14: GA36056019)
Inventario Xeral do Patrimonio Cultural de Galicia
- Referencias:
PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas
- XEOLOCALIZACIÓN
- Coordenadas: 42.6708039425 , -8.6525439954
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.