Eira dos Mouros
![Eira dos Mouros - Valga - San Salvador de Setecoros Eira dos Mouros - Valga - San Salvador de Setecoros](/sites/default/files/imaxes_elementos/Eira%20dos%20Mouros.jpg)
Na inspección realizada para elaboración do catálogo do PXOM do Concello de Valga, non se detectou estrutura visible algunha que puidera corresponder a un asentamento castrexo. Así, na parte superior do Monte Fontebecha, que ostenta un contundente domino visual sobre o curso baixo do río Ulla, desembocadura e fondo da Ría de Arousa, apréciase unha zona chaira, aínda que sen identificarse estruturas de peche ou defensa.
O valgués Xosé Lois Miguéns Castaño publicaba en 1999 no semanario “O Espello do Baixo Ulla-Sar” que na noite de San Xoán, a partir das doce, no Monte Fontebecha había unha asemblea de meigas que se xuntaban para preparar o mal que ían facer durante o ano. Ninguén sabe con certeza, a pesares dos máis atrevidos que quixeron ir alá e que, segundo contan, foron axexar descubrindo que as bruxas cantaban o seguinte:
lunes, martes e miércoles tres
jueves, viernes e sábado seis
E seica, nun arraque de valentía, os que as miraban agochados dixeron:
- E onde queda o domingo, meighonas?
Momento no que, ao sentirse descubertas, buscaron aos indesexables espías para facerlles mal, pero estes, con pericia, lograron fuxir.
Segundo o especialista en toponimia galega, Fernando Cabeza Quiles (Os nomes da terra, topónimos galegos), Setecoros é un topónimo que se pode interpretar como unha composición do numeral "sete" e do substantivo prerromano “cor/coro" (pedra), en alusión ás sete formacións pétreas que rodean a meseta da Eira dos Mouros, situada no cumio do monte que se eleva sobre a parroquia de Setecoros.
- INFORMACIÓN
- Código: VA-AQ033
- Outras denominacións: Castro do Monte Fontebecha
- Tipoloxía: Arqueoloxía
- Cronoloxía: Idade do Ferro
- Concello: Valga
- Parroquia: San Salvador de Setecoros
- Lugar: Fontebecha
- Acceso a pé: Bo
- Galería de imaxes: Acceder
- Conservación:
-
- Protección:
PXOM de Ordenación Municipal do Concello de Valga (AR-31: GA36056003)
Inventario Xeral do Patrimonio Cultural de Galicia
- Referencias:
PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas
- XEOLOCALIZACIÓN
- Coordenadas: 42.672926238858 , -8.6783114062107
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.