Castro de Vilar

Castro de Vilar - Valga - Santa Comba de Cordeiro

Na a elaboración do catálogo do PXOM do Concello de Valga, durante a revisión da microtoponimia catastral actual, foi localizada esta denominación, correspondente a unha considerable cantidade de fincas (30 parcelas do polígono 50), que se emprazan cara a parte norte do núcleo rural de Vilar.

A inspección do lugar serviu para confirmar dita toponimia por parte dos veciños, así como para constatar que as fincas mencionadas aparecían emprazadas nunha zona que, aínda que modificada pola presenza de edificacións, mantén unha conformación axeitada para a existencia dun asentamento castrexo. Deste xeito, a zona configúrase como unha superficie elevada sobre a contorna, con espazos en socalcos.

Na enquisas orais realizadas, non se obtivo referencia algunha sobre a existencia de lendas ou folclore asociado, nin tampouco novas respecto á aparición de algún tipo de vestixio, a partir dos que poder confirmar a existencia nesta zona dun xacemento castrexo.

Debido á conxunción entre toponimia e configuración topográfica xeral, coincidentes en ambos casos coas que soen darse para estes asentamentos, non se descarta completamente esta opción para Vilar.

  • INFORMACIÓN
  • Código: VA-AQ008
  • Outras denominacións:
  • Tipoloxía: Arqueoloxía
  • Cronoloxía: Idade do Ferro
  • Concello: Valga
  • Parroquia: Santa Comba de Cordeiro
  • Lugar: Vilar
  • Acceso a pé: Bo
  • Galería de imaxes: Acceder
  • Conservación:

    A zona está bastante modificada, debido á presenza de vivendas e construcións anexas, así como o aproveitamento das fincas para cultivo.

  • Protección:

    PXOM de Ordenación Municipal do Concello de Valga (AR-08: GA36056-REF003)

    Inventario Xeral do Patrimonio Cultural de Galicia

  • Referencias:

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Castelo da Medela

Túmulo da Cruz do Valado

Xacemento romano do Gandarón

Túmulo Nº 2 da Pedra do Viño