Cruceiro de Meiquiz

Cruceiro de Meiquiz - Rianxo - Santa María de Leiro

Imaxe: Álex Negreira

Cruceiro de capeliña realizado en cantaría de granito, situado ao noroeste do lugar de Or, sobre o cruce principal de acceso. Plataforma de tres chanzos sobre a que se ergue un fuste prismático coas arestas chafranadas coa data de construción inscrita (1651). Capitel troncopiramidal con relevo frontal que sostén unha capela cunha imaxe tallada en madeira, e remata nunha cruz de sección cadrada con remates nos vértices e cun Cristo no anverso.

As tres figuras que existían no interior da capeliña, lamentablemente foron roubadas no ano 2002. Segundo contan os veciños, as figuras eran moi veneradas xa que existía a crenza de que podían influír no tempo: se facía falta auga, colocábanse cara ao sur e se chovía demais, poñíanse cara ao norte. Hoxe no seu lugar colocouse un retablo de madeira dedicado á Virxe María, feito por un veciño do lugar.

  • INFORMACIÓN
  • Código: RI-ER064
  • Outras denominacións: Cruceiro de Or
  • Tipoloxía: Elementos relixiosos
  • Cronoloxía: 1651
  • Concello: Rianxo
  • Parroquia: Santa María de Leiro
  • Lugar: Meiquiz
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (C-064)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Patrimonio Galego

    Cruceiros de Galicia

    Fotos de Rianxo

    Fotos de Rianxo

    Xenealoxías do Barbanza

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruz do Vía Crucis do Calvario

Cruceiro do rego de Chenlo

Cruceiro de Abuín

Cruceiro de Souto