Mámoa Nº 5 da Vacariza

Conxunto de seis túmulos que se atopan nun rechán de paso entre o Monte Ceán e o Monte do Couto. Este grupo de mámoas sitúase preto da saída cara a Catoira desde a Autovía do Barbanza, á man dereita.

Este túmulo mide 22,10 metros no eixo N-S e 21,70 metros no L-O. Conserva unha altura de 1,45 metros. Presenta un burato de violación central que mide 3,50 metros (N-S) e 3,30 metros (L-O), cunha profundidade de 0,25 metros. A parte máis baixa da superficie tumular, no sueste, está atravesada por un valado de pedra.