Castro das Cercas
Imaxe: Cristina Conde Escaloni
O castro está situado nunha posición estratéxica que domina a entrada do río Ulla e a Enseada de Leiro desde o Monte Quintáns, a 152 metros de altitude. O monte no que se atopa amosa fortes pendentes polas banda norte, sur e leste, acadando esa altura a tan só 500 metros de distancia das beiras do intermareal do Ulla. Ten forma ovalada con diámetros duns 90 metros no eixo NL-SO, e 60 no NO-SL. Posúe dobre murallas e un foxo. Na parte nordeste, onde a ladeira acada a maior pendente, vese a dobre liña de muralla e consérvase un concheiro. Na parte sur pódense apreciar os restos de recintos habitacionais e outros que poderían corresponder coa muralla. No concheiro atopáronse tamén restos cerámicos e malacolóxicos (ostra, berberecho e ameixa) e líticos (seixo). Fálase da localización no lugar da Cova do Xil que dá froito a algunhas lendas locais, como a que dicía que había unhas escaleiras de ouro desde o castro até a fonte de Palleiro, por onde os mouros levaban a beber aos caballos.
- INFORMACIÓN
- Código: RI-AQ004
- Outras denominacións: Castro de Isorna
- Tipoloxía: Arqueoloxía
- Cronoloxía: Idade do Ferro
- Concello: Rianxo
- Parroquia: Santa María de Isorna
- Lugar: Quintáns
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Rianxo (GA15072006)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Rianxo - Aprobación inicial de maio 2014
- XEOLOCALIZACIÓN
- Coordenadas: 42.663475368176 , -8.751017878648
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.