Pombal da Casa do Brañeiro

Pombal da Casa do Brañeiro - Dodro - San Xián de Laíño

Imaxe: Beatriz Pereiras

Localizado no lugar coñecido como a Banda de Tarrío, sobre o muro de peche da finca da Casa do Brañeiro situada ao pé da estrada que separa Tarrío da Banda.

Pombal de planta cuadrangular, con paredes de ladrillo recebadas e pintadas de branco e cuberta a dúas augas, con pequenas xanelas cuadrangulares baixo a cuberta na parte de diante e na parte de atrás, enmarcados por un triángulo de cemento a xeito de frontón, e que servían de repisa e de entrada para as pombas. Actualmente as pequenas ventás están pechadas con vidro. Interior con nichos de ladrillo. Está cuberto de vexetación, apenas é visible. 

Segundo conta un veciño de Tarrío, parece que a casa sería feita entre 1910 e 1920, por tres irmáns que voltaron de Bos Aires: Peregrino, Luciano e Antonio Brañeiro Rey. Peregrino e Luciano quedaron con esta casa, ficando entón a propiedade posteriormente en mans dos herdeiros destes dous irmáns.

  • INFORMACIÓN
  • Código: DO-OC027
  • Outras denominacións:
  • Tipoloxía: Obra civil
  • Cronoloxía: 1910
  • Concello: Dodro
  • Parroquia: San Xián de Laíño
  • Lugar: Tarrío
  • Acceso a pé: Malo
  • Galería de imaxes: Acceder
  • Conservación:

    Malo, atópase en total abandono, cuberto de vexetación.

  • Protección:

    Non

  • Referencias:

    Traballo de inventariado feito por Beatríz Pereiras en 2010

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Pombal da Casa das Señoritas de Rial

Pombal do Pazo de Hermida

Reloxo de sol Nº 1 de Vigo

Pombal Nº 1 da Casa de Aguirre