Hórreo de Vigo

Hórreo de Vigo - Dodro - Santa María de Dodro

Imaxe: Beatriz Pereiras

Nunha finca pechada, na parte traseira dunha vivenda aparentemente abandonada.

A cimentación no é visible, sendo os soportes seis pés de pedra de sección cuadrangular, dispostos de dous en dous. Os tornarratos son pedras circulares dispostas sobre cada pé. O corpo do hórreo está feito totalmente en madeira: columnas, linteis, cornixas, balaústres, penais e pinches. Ten dous claros, con dúas cintas suxeitando os doelas. Na intersección horizontal das cintas, en cada claro, ten un elemento decorativo hexagonal de madeira. O penal da fronte ten unha porta, tamén de madeira. Cubrición de tella do país. Non conserva os remates. Orientado ao NE.

No 2010, os veciños non conseguiron concretar a cronoloxía deste hórreo, aínda que a súa feitura en madeira, indica unha certa antigüidade para o mesmo. Dataría de comezos do século XX.

  • INFORMACIÓN
  • Código: DO-HO165
  • Outras denominacións:
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Moi mala, en absoluto estado de abandono e ruína. A madeira está en moi mal estado, así como a cubrición. A finca e a casa á que pertence teñen igualmente aspecto de abandono.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 67)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Reboiras

Hórreo de Traxeito

Hórreo de Bexo

Hórreo de Vigo