Hórreo de Traxeito
Imaxe: Beatriz Pereiras
Situado no muro de peche dunha finca privada, ao pé do camiño vello, hoxe bastante abandonado. Na finca traseira dunha vivenda privada.
A cimentación é de perpiaños e cachotes de granito, duns 1,70 metros de altura máxima (situado nunha costa). Os soportes son cinco cepas de pedra, cos gabinetes pechados con ladrillo e cemento, e o segundo tamén con balaústres de madeira e dúas cintas na parte superior. O tornarratos é unha peza corrida ao longo do corpo do hórreo. Ten catro claros con balaústres de madeira e dúas cintas. Non ten linteis. Columnas e cornixa de pedra. Penal dianteiro de pedra con porta de madeira pintada de verde e penal traseiro tamén de pedra sen ventilación. Sobrepenas nos dous pinches, ambos de pedra. No pinche frontal é visible a inscrición coa data: 1874. Cubrición de uralita e tella do país. Remates: cruz latina florenzada con botón central, de sección cilíndrica e con base piramidal; e pináculo coa parte de abaixo cuadrangular bocelada rematado en bóla achatada e angulosa. Orientado ao E.
Data de 1874, segundo reza no frontispicio.
- INFORMACIÓN
- Código: DO-HO012
- Outras denominacións:
- Tipoloxía: Hórreos
- Cronoloxía: 1874
- Concello: Dodro
- Parroquia: San Xián de Laíño
- Lugar: Traxeito
- Acceso a pé: Bo
- Galería de imaxes: Acceder
- Conservación:
Regular, coa madeira en mal estado, a pedra manchada con liques e con ladrillo pechando os gabinetes.
- Protección:
Plan Xeral de Ordenación Municipal do Concello de Dodro (CP-68)
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 178)
- XEOLOCALIZACIÓN
- Coordenadas: 42.742130167152 , -8.6987297874176
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.