Hórreo de Traxeito
Imaxe: Concello de Dodro
Localizado no patio dunha casa nº 36.
A cimentación é unha repisa de cachotaría de granito, a cal só é visible no extremo sur, estando o resto tapado por unha plataforma de pedra e cemento que salva o desnivel existente entre o hórreo e a casa. Entre o tramo de repisa que conserva e a plataforma do patio ten unha cimentación de cemento, onde é visible unha porta de aluminio no lateral leste. Os soportes son catro cepas de pedra. O tornarratos é unha peza corrida ao longo do corpo do hórreo. Ten tres claros, con balaústres de madeira e dúas cintas, con porta de madeira no lateral leste. Non ten linteis. Columnas e cornixa de pedra. Penal dianteiro de pedra con porta de madeira e penal traseiro tamén de pedra con sete fendas de ventilación horizontais. Sobrepenas nos dous pinches, ambos de pedra. Cubrición de tella do país. Remates: cruz latina alta de sección triangular sobre base cuadrangular e pináculo cilíndrico sen bóla. Orientado ao N.
No 2010, a propietaria, duns setenta anos, di que lle acorda toda a vida o hórreo, sen precisar cronoloxía.
- INFORMACIÓN
- Código: DO-HO011
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xián de Laíño
- Lugar: Traxeito
- Acceso a pé: Bo
- Galería de imaxes: Acceder
- Conservación:
Boa, restaurado polos propietarios.
- Protección:
Plan Xeral de Ordenación Municipal do Concello de Dodro (CP-67)
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 170)
- XEOLOCALIZACIÓN
- Coordenadas: 42.742271052419 , -8.6982115229878
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.