Hórreo de Castro

Hórreo de Castro - Dodro - San Xoán de Laíño

Imaxe: Beatriz Pereiras

Situado nunha finca onde hai unha viña, de aí o nome, na zona de Castro coñecida como Bouza do Portal.

Fermoso exemplar de hórreo mixto, de considerable tamaño. A cimentación é unha repisa de perpiaños de granito, encintados nalgún punto con cemento. Non ten soportes, asentando o tornarratos directamente na repisa. Tornarratos corrido ao longo de todo o corpo do hórreo. Ten catro claros, con balaústres de madeira e unha cinta. Ten dúas portas de madeira no lateral leste. Non ten linteis. Columnas de pedra e cornixa de madeira. Penal dianteiro de pedra con porta de madeira, e penal traseiro de perpiaños de granito, sen ventilación. Sobrepenas nos dous pinches, ambos de pedra. Cubrición de tella do país e uralita por baixo, en bastante mal estado. Remates: cruz latina alta florenzada con botón central e ángulos en chafrán, sobre base troncopiramidal; non conserva o pináculo. Orientado ao NE.

Por analoxía cos demais hórreos, pode datarse na década de 1860.

  • INFORMACIÓN
  • Código: DO-HO050
  • Outras denominacións: Hórreo da Viña
  • Tipoloxía: Hórreos
  • Cronoloxía: 1860
  • Concello: Dodro
  • Parroquia: San Xoán de Laíño
  • Lugar: Castro
  • Acceso a pé: Bo
  • Galería de imaxes: Acceder
  • Conservación:

    Moi mala, a madeira e a cubrición están en moi mal estado, sobre todo no terceiro claro. Non conserva o remate traseiro e ten uralita por baixo da tella da cubrición. Sería preciso limpar a pedra.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 221)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Rial da Lagoa

Hórreo de Sar

Hórreo de Manselle

Hórreo de Tarrío