Hórreo de Teaio

Hórreo de Teaio - Dodro - San Xoán de Laíño

Imaxe: Beatriz Pereiras

Ao pé da pista que leva a Bustelo, entre as zonas coñecidas como A Canle e o Quinteiro de Abaixo.

A cimentación é unha repisa alta de cachotaría de granito. Os soportes son tres cepas de perpiaños. Os gabinetes están pechados con cemento, para usos domésticos. Tornarratos corrido ao longo do corpo do hórreo. Ten dous claros, con balaústres de madeira e dúas cintas no lateral Leste e pechados con ladrillo no lateral oeste, onde tamén é visible unha porta de madeira enmarcada por dúas columnas de pedra. Linteis de pedra con dúas fendas de ventilación horizontais cada un. Columnas e cornixa de pedra. Os dous penais son de pedra, con dez fendas de ventilación horizontais. Sobrepenas nos dous pinches, ambos de pedra. Cubrición de tella plana. Os remates son dous pináculos piramidais estilizados sobre base cuadrangular. O do norte parece que tería outros dous pináculos máis pequenos aos lados, dos que só queda a base. Orientado ao NE-SW.

Orixinalmente tiña un claro máis, mais cando abriron a actual pista quitárono. Parece tratarse dun hórreo antigo, aínda que está moi modificado.

  • INFORMACIÓN
  • Código: DO-HO130
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: Teaio
  • Acceso a pé: Bo
  • Galería de imaxes: Acceder
  • Conservación:

    Mala, faltándolle parte da madeira dos claros, sendo substituída por ladrillo, e a tella do país por tella plana. Ademais, introduce cemento nos gabinetes, e lle falta un claro que tería orixinalmente a maiores.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 267)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Reboiras

Hórreo de Tarrío

Hórreo de Imo

Hórreo Nº 2 da Casa Aguirre