Hórreo de Tarrío
Imaxe: Beatriz Pereiras
No lugar coñecido como Rueiro, no extremo NE do núcleo, no alto dun outeiro.
A cimentación é unha repisa alta de perpiaños encintados con cemento, dun 1,50 metros de altura. Presenta un pequeno van rectangular no lateral leste. Non ten soportes, asentando o tornarratos directamente na repisa. O tornarratos é unha peza corrida ao longo do corpo do hórreo. Ten tres claros con balaústres de madeira e dúas cintas, aínda que conserva a madeira en mal estado. Non ten linteis. Columnas de pedra e cornixa de madeira. Penal dianteiro de pedra cos restos da porta de madeira, e penal traseiro de pedra con seis fendas de ventilación horizontais. Sobrepenas nos dous pinches, ambos de pedra. A cubrición é de tella do país, atopándose en moi mal estado. Non conserva os remates. Orientado ao NE.
No 2010, os veciños consultados aseguraron que era moi antigo, máis de cen anos. Por factura tamén parece ter bastante antigüidade.
- INFORMACIÓN
- Código: DO-HO033
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xián de Laíño
- Lugar: Tarrío
- Acceso a pé: Bo
- Galería de imaxes: Acceder
- Conservación:
Moi mala, en absoluto estado ruinoso e de abandono. Tanto a madeira como a cubrición atópanse en moi mal estado.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 163)
- XEOLOCALIZACIÓN
- Coordenadas: 42.722693793288 , -8.7086863175116
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.