Hórreo de Teaio

Hórreo de Teaio - Dodro - San Xoán de Laíño

Imaxe: Beatriz Pereiras

No Quinteiro de Abaixo, nunha pequena parcela aberta fronte a un alpendre tamén propiedade da mesma familia que posúe o hórreo.

A cimentación é unha repisa baixa de cachotaría de granito. Os soportes son catro cepas de pedra. Os gabinetes están pechados con ladrillo e cemento, con excepción do gabinete norte, e con portas de prancha metálica para usos domésticos. Tornarratos corrido ao longo do corpo do hórreo. Ten tres claros, pechados con ladrillo e cunha porta de madeira no lateral leste. Linteis de pedra con dúas fendas de ventilación horizontais cada un. Columnas e cornixa de pedra. Penal dianteiro de pedra con porta de madeira, e penal traseiro de perpiaños de granito, sen ventilación. Sobrepenas nos dous pinches, ambos de pedra. Cubrición de tella do país. Remates: cruz latina alta florenzada con botón central e ángulos en chafrán, sobre base en escocia; e pináculo piramidal estilizado rematado en bóla e con unha moldura na parte inferior, sobre base cuadrangular. Orientado ao NE.

No 2010, a irmá da propietaria di que andará preto dos cen anos, que sería de principios do século XX, xa que a súa nai, que naceu en 1902, lembra que de moi pequena ía levar comida aos canteiros que o estaban facendo.

  • INFORMACIÓN
  • Código: DO-HO114
  • Outras denominacións:
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: San Xoán de Laíño
  • Lugar: Teaio
  • Acceso a pé: Bo
  • Galería de imaxes: Acceder
  • Conservación:

    Sería necesaria a limpeza da pedra.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 257)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Rialiño

Hórreo de Lestrobe

Hórreo de Lestrobe

Hórreo de Lestrobe