Hórreo de Vigo

Hórreo de Vigo - Dodro - Santa María de Dodro

Imaxe: Beatriz Pereiras

Nunha finca privada, na parte traseira da vivenda á que pertence, a casa nº 10 da AC-305.

Segundo exemplar de hórreo de Vigo con reloxo de sol. Cimentado sobre unha repisa de cachotaría de granito duns 50 centímetros de altura. Dos soportes apenas conserva a cepa norte, o resto das cepas están refeitas con cemento e ladrillo. Os gabinetes tamén están pechados con cemento e ladrillo. O tornarratos é unha única peza corrida ao longo de todo o corpo do hórreo. Ten dous claros, pechados con ladrillo, con porta de madeira no lateral leste. Linteis, columnas e cornixa de pedra, aínda que esta última está refeita en parte con cemento. Penal da fronte de pedra con porta de madeira e penal traseiro tamén de pedra con seis fendas de ventilación horizontais. Ten sobrepenas nos dous pinches, ambos de pedra. Cubrición de tella do país. Ten dous fermosos remates: unha cruz alta con círculo ou roda central cunha cruz no medio (cruz céltica), de sección cilíndrica, sobre base cilíndrica e esta sobre pedestal cuadrangular; e reloxo de sol de forma máis ou menos cuadrangular coas esquinas redondeadas, con remate nunha especia de pináculo con bola, sobre unha base cuadrangular. Conserva o gnomon metálico e son visibles as marcas horarias. O hórreo está orientado ao NE.

No 2010, di a propietaria que debe ser antigo, que lle acorda toda a vida alí

  • INFORMACIÓN
  • Código: DO-HO061
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Regular, restaurado hai poucos anos polos propietarios. Introduce materiais de construción modernos, como o ladrillo e o cemento.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 61)

    Reloxos de sol de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Vigo

Hórreo de Pexegueiro

Hórreo de Traxeito

Hórreo de Castro