Hórreo de Bexo

Hórreo de Bexo - Dodro - San Xoán de Laíño

Imaxe: Beatriz Pereiras

Localizado na Aldea de Abaixo, na rúa Os Outeiros, ao pé dunha pista asfaltada, fronte a vivenda nº 4.

A cimentación é unha repisa baixa de cachotaría de granito. Os soportes son cinco cepas de perpiaño, coa pedra superior en horizontal e traballada cos ángulos redondeados. Os gabinetes están abertos, empregados para gardar leña. Na parte frontal presenta dúas pedras rudas empregadas a xeito de grades para acceder ao interior do hórreo. Tornarratos corrido ao longo do corpo de todo o hórreo. Ten catro claros, con balaústres de madeira e unha cinta, con catro portas de madeira, unha por claro, no lateral oeste. Os esquinais do hórreo son de pedra, con seis fendas de ventilación horizontais cada un. Non ten linteis. Columnas e cornixa de pedra. Penal frontal de pedra con porta de madeira, e penal traseiro de pedra con catorce fendas de ventilación horizontais. Sobrepenas nos dous pinches, ambos de pedra. Cubrición de tella do país e por baixo uralita. Remates: no penal frontal, cruz florenzada cos ángulos en chafrán sobre base en escocia e esta sobre pedestal cuadrangular, con reloxo de sol na base da cruz; e pináculo piramidal estilizado rematado en bóla ovoide con arestas e sobre base cuadrangular no penal traseiro. Orientado ao NE.

Segundo a ficha do Inventario de Patrimonio, dataría de 1856. 

  • INFORMACIÓN
  • Código: DO-HO235
  • Outras denominacións: Hórreo dos Outeiros
  • Tipoloxía: Hórreos
  • Cronoloxía: 1856
  • Concello: Dodro
  • Parroquia: San Xoán de Laíño
  • Lugar: Bexo
  • Acceso a pé: Bo
  • Galería de imaxes: Acceder
  • Conservación:

    Bastante boa, quitando a uralita na cubrición debaixo da tella e da madeira algo gastada polo paso do tempo.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 190)

    Reloxos de sol de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Teaio

Hórreo de Teaio

Hórreo de Lestrobe

Hórreo de Manselle