Hórreo de Revixós

Hórreo de Revixós - Dodro - Santa María de Dodro

Imaxe: Beatriz Pereiras

No lugar chamado O Outeiro. Hai outros catro hórreos no Outeiro, mais con ladrillos e cemento.

A súa cimentación é un muro ou repisa alta de cachotaría de granito duns 1,75 metros de alto. Presenta un bloque cuadrangular de granito acaroado á súa cara leste, para apoiar os cestos co millo, á altura da porta lateral. Os soportes son tres cepas de pedra, encintadas con cemento. O tornarratos é unha única plataforma corrida ao longo do corpo do hórreo, feita de seis pedras rectangulares de granito, encintadas tamén con cemento. A cara inferior do tornarratos e a cara interna das dúas cepas laterais presentan rebaixes rectangulares, sinais de que houbo algún peche, sendo os rebaixes para encaixar os enganches do mesmo. É de dous claros con balaústres de madeira e dúas cintas. Ten unha porta de madeira no lateral leste, restaurada. Non ten linteis. Columnas de pedra con cemento entre estas e a cornixa, de pedra. Penal frontal de pedra con porta de madeira pintada de verde e penal traseiro de pedra con cinco fendas de ventilación horizontais. Ten sobrepenas sobre os dous pinches, ambos de pedra. Sobre a cornixa ten un alerón de cemento, sobre o que se apoia a cubrición, de tella do país. Os remates son dous bicos ou pináculos piramidais rematados en bóla. Orientado ao NE.

No 2010, segundo o irmá do propietario e un veciño, tería máis de cen anos. Parece que foi trasladado aquí desde outro lugar.

  • INFORMACIÓN
  • Código: DO-HO160
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Revixós
  • Acceso a pé: Bo
  • Galería de imaxes: Acceder
  • Conservación:

    Regular, coa madeira en mal estado e partes en cemento. 

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 45)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Eiró

Hórreo da Igrexa

Hórreo de Pexegueiro

Hórreo de Teaio