Hórreo de Eiró

Hórreo de Eiró - Dodro - San Xián de Laíño

Imaxe: Beatriz Pereiras

Nunha finca privada pechada, na zona norte do núcleo.

A cimentación é unha repisa de cachotaría de granito con cemento por riba, duns 40 centímetros de altura. Os soportes son catro cepas de pedra, cos gabinetes pechados con malla metálica e cemento, usados como galiñeiros. Ten unhas escaleiras de cemento e ladrillo acaroadas no medio que dan acceso ao hórreo, sendo aproveitado o espazo de debaixo para galiñeiro tamén. O tornarratos é unha peza corrida ao longo do corpo do hórreo. Ten tres claros, con balaústres de madeira e dúas cintas, con porta de madeira no lateral oeste. Columnas e cornixa de pedra. Os dous penais son de pedra con seis fendas de ventilación horizontais. Sobrepenas nos dous pinches, ambos de pedra. Cubrición de tella do país. Remates: tres pináculo piramidais nos ángulos do pinche sur, o do centro máis estilizado e con bóla; e o pinche do norte con cruz latina alta de sección cilíndrica no centro do pinche e dous pináculos piramidais nos extremos. Orientado ao NE-SW.

No 2010, din os propietarios que non saben con certeza a antigüidade deste hórreo, mais que podería ter máis de cen anos. Polo tipo de remates parece máis ben ter algo menos (setenta ou sesenta anos).

  • INFORMACIÓN
  • Código: DO-HO135
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Eiró
  • Acceso a pé: Bo
  • Galería de imaxes: Acceder
  • Conservación:

    Regular, xa que aínda que restaurado polos propietarios, ten outras estruturas de cemento acaroadas.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 85)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Dodriño

Hórreo de Vigo

Hórreo de Lestrobe

Hórreo de Paizal