Hórreo de Reboiras

Hórreo de Reboiras - Dodro - San Xián de Laíño

Imaxe: Beatriz Pereiras

No lugar coñecido como O Outeiro, na entrada sur de Reboiras, ao pé dunha pista asfaltada.

Fermoso exemplar de hórreo mixto con reloxo de sol e decoración insculpida nos dous pinches. A cimentación é unha repisa moi alta de perpiaño e cachotes de granito con argamasa, duns 3 metros de alto. Non ten soportes, asentando o tornarratos, peza corrida ao longo de todo o corpo do hórreo, directamente sobre a repisa. Ten dous claros, con balaústres de madeira e dúas cintas, estando a madeira en moi mal estado, non conservándose xa en dous claros no lateral oeste. Non ten linteis. Columnas e cornixa de pedra. Penal dianteiro de pedra con porta de madeira, rematando o van da porta en arco, e penal traseiro tamén de pedra con oito fendas de ventilación horizontais. Sobrepenas nos dous pinches, ambos de pedra. Os dous pinches presentan decoración: no pinche dianteiro é visible, en relevo, un motivo floral inscrito en dous círculos; no pinche traseiro vese un círculo en relevo co interior escavado e no interior un pequeno orificio de aireación. Cubrición de tella do país na metade sur, en moi mal estado, e de uralita sobre madeiros na metade norte. Remates: cruz latina alta florenzada con botón central e ángulos en chafrán; e reloxo de sol na parte traseira, cuadrangular con remate na parte superior semicircular. O reloxo non conserva o gnomon, mais aínda son visibles a liñas horarias. Orientado ao N.

No 2010,  di unha das súas propietarias que é moi antigo, máis de cen anos.

  • INFORMACIÓN
  • Código: DO-HO074
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Reboiras
  • Acceso a pé: Bo
  • Galería de imaxes: Acceder
  • Conservación:

    Mala, a madeira e a cubrición están en moi mal estado, faltando parte do peche de madeira en dous claros no lateral oeste, e parte da cubrición, sendo substituída por uralita.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 123)

    Reloxos de sol de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Dodriño

Hórreo de Lestrobe

Hórreo de Lestrobe

Hórreo de Manselle