Hórreo de Paizal

Hórreo de Paizal - Dodro - San Xián de Laíño

Imaxe: Beatriz Pereiras

Sobre o muro de peche dunha finca privada, ao pé da estrada que, desde Rialiño, vai cara Paizal e Traxeito. Pertence a unha casa de pedra tradicional.

Cimentado sobre o muro de peche da finca, de cachotaría de granito. Os soportes son tres cepas de pedra coa metade superior, onde aparecen molduradas, refeitas en cemento. Tornarratos corrido ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral leste. Columnas e cornixa de pedra. Penal da fronte de pedra con porta de madeira e penal traseiro tamén de pedra sen fendas de ventilación. Ten sobrepenas nos dous pinches, ambos de pedra. Cubrición de tella do país. Só conserva un remate, un bico ou pináculo piramidal na parte traseira. Orientado ao NW.

No 2010, segundo o home da actual propietaria e dos veciños, parece que sería un hórreo moi antigo, se callar máis de 200 anos.

  • INFORMACIÓN
  • Código: DO-HO018
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Paizal
  • Acceso a pé: Bo
  • Galería de imaxes: Acceder
  • Conservación:

    Mala, a madeira e a cubrición atópanse en moi estado, non conserva a cruz do remate e a pedra habería que limpala, así como a contorna.

  • Protección:

    Plan Xeral de Ordenación Municipal do Concello de Dodro (CP-79)

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 109)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Lestrobe

Hórreo de Eiró

Hórreo de Sar

Hórreo de Pexegueiro