Hórreo de Eiró

Hórreo de Eiró - Dodro - San Xián de Laíño

Imaxe: Beatriz Pereiras

Nas aforas do núcleo, no lugar coñecido como Horta do Brañeiro, nunha finca privada pechada con muriño de pedra, pertencendo a unha casona de pedra actualmente en ruínas, como o hórreo. Situada na zona norte da aldea.

A cimentación é unha repisa alta de perpiaños de granito de aproximadamente 1 metro de alto. Os soportes son cinco cepas de pedra. O tornarratos é unha peza corrida ao longo do corpo do hórreo. Ten catro claros, non conservando ningún o peche de madeira no lateral sur, e en moi malas condicións no lateral norte, con balaústres de madeira e dúas cintas. Non ten linteis. Columnas e cornixa de pedra. O penal de diante ten unha entrada, mais non conserva a folla de madeira da porta, e o penal traseiro é de pedra e está cuberto de vexetación. Sobrepenas no pinche de diante, de pedra, e probablemente tamén no de atrás, aínda que non é visible pola vexetación. Cubrición de tella do país, en moi mal estado. Remates: fermosa cruz latina alta florenzada e moldurada, sobre base moldurada cuadrangular e esta sobre escocia; o remate da parte de atrás non visible pola vexetación. Orientado ao W.

Os veciños creen que ten moita antigüidade, máis de cen anos.

  • INFORMACIÓN
  • Código: DO-HO167
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Eiró
  • Acceso a pé: Bo
  • Galería de imaxes: Acceder
  • Conservación:

    Moi mala, en estado de abandono e ruinoso. Non conserva apenas as madeiras, e as que mantén están en moi malas condicións. A cubrición tamén está en pésimo estado. En parte cuberto por vexetación.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 86)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Teaio

Hórreo de Rialiño

Hórreo de Bexo

Hórreo de Rial da Lagoa