Hórreo de Lestrobe

Hórreo de Lestrobe - Dodro - Santa María de Dodro

Imaxe: Beatriz Pereiras

No Barrio de Abaixo, xunto a casa chamada O Piñón.

A cimentación consiste nunha repisa alta de cachotaría de granito duns 50/60 centímetros de alto. Os soportes son oito pés a modo de columnas de sección cadrada, colocados de dous en dous, que parece que orixinalmente albergarían algún tipo de peche de madeira, xa que son visibles os rebaixes para encaixar os ferros. O tornarratos é unha pedra transversal sobre cada par de pés. Linteis e columnas de pedra e a cornixa tamén, con moldura. Ten tres claro, con balaústres de madeira e dúas cintas. Porta de madeira no lateral Este. Penal frontal de pedra con porta de madeira, e penal traseiro de pedra con nove fendas de ventilación horizontais e un circular na parte superior (aire do pinche). Con sobrepenas nos dous pinches, ambos de pedra. Cubrición con tella do país. Os remates son, na parte frontal, unha cruz latina florenzada nos extremos sobre base discoide e esta sobre unha base cadrada, e pináculo piramidal sen bóla no lado oposto. Orientado ao NE.

No 2010, os veciños comentaron que debía ter certa antigüidade. O propietario (Jorge Pérez Fariña) asegurou que tiña máis de cen anos. Pola súa tipoloxía, parece ter máis de cen anos.

  • INFORMACIÓN
  • Código: DO-HO147
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Lestrobe
  • Acceso a pé: Bo
  • Galería de imaxes: Acceder
  • Conservación:

    Bastante boa, coa madeira algo gastada.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 26)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Dodriño

Hórreo de Imo

Hórreo de Vigo

Hórreo de Revixós