Hórreo de Dodriño

Hórreo de Dodriño - Dodro - Santa María de Dodro

Imaxe: Beatriz Pereiras

Nunha finca pechada dunha vivenda particular (nº 27).

Cimentado sobre unha repisa baixa de cachotaría de granito. Os soportes son tres cepas de pedra. O tornarratos é unha única plataforma corrida ao longo de todo o corpo do hórreo. Ten dous claros, con balaustres de madeira e dúas cintas. Columnas e cornixa de pedra. Penal da fronte de pedra con porta de madeira e penal traseiro de pedra sen fendas de ventilación. Ten sobrepenas nos dous pinches, ambos de pedra. Cubrición de tella do país. Remates: cruz latina alta florenzada con ángulos en chafrán sobre base en escocia e esta sobre pedestal cuadrangular; e pináculo piramidal sen bola. Orientado ao NE.

No 2010, dicía a propietaria que debe ser antigo, que ela ten oitenta e pico de anos e non lle acorda cando o fixeron. Dataría de principios do século XX.

  • INFORMACIÓN
  • Código: HO087
  • Outras denominacións:
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: Santa María de Dodro
  • Lugar: Dodriño
  • Acceso a pé: Bo
  • Galería de imaxes: Acceder
  • Conservación:

    Boa, restaurado polos propietarios.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 6)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Manselle

Hórreo Nº 2 da Casa Aguirre

Hórreo de Bustelo

Hórreo de Tarrío