Hórreo de Imo
Imaxe: Beatriz Pereiras
Na horta privada da casa á que pertence, casa nuclear da familia.
A cimentación é unha repisa alta de cachotaría de granito, duns 40 centímetros de alto. Os soportes son seis pés de pedra de sección cuadrangular. Os gabinetes están pechados con ladrillo e cemento, cunha entrada alintelada en cada un no lateral oeste e un pequen oco pechado con malla metálica no lateral leste. Os tornarratos son pedras transversais sobre cada par de pés. Ten dous claros, con balaústres de madeira e dúas cintas, con unha porta de madeira no lateral oeste. Linteis de pedra moi anchos. Columnas e cornixa de pedra, esta última moldurada. Penal dianteiro de pedra con porta de madeira, e penal traseiro de perpiaños de granito, sen ventilación. Sobrepenas nos dous pinches, ambos de pedra. Cubrición de tella do país. Remates: non conserva a cruz completa, só a base, cilíndrica sobre escocia, e parte do corpo, sen os brazos; e pináculo piramidal moi achatado rematado en bola sobre base en escocia moi estilizada. Orientado ao NE
No 2010, a propietaria actual non nos soubo concretar a súa cronoloxía, mais xa existía no tempo dos seus avós. Sinalar que esta familia propietaria adquiriu notable relevancia cun crego que houbo nela na primeira metade do século XIX.
- INFORMACIÓN
- Código: DO-HO205
- Outras denominacións:
- Tipoloxía: Hórreos
- Cronoloxía: -
- Concello: Dodro
- Parroquia: San Xoán de Laíño
- Lugar: Imo
- Acceso a pé: Bo
- Galería de imaxes: Acceder
- Conservación:
Mala, coa madeira e a cubrición en mal estado, e coa introdución de materiais de construción modernos, como o ladrillo e o cemento nos gabinetes. Así mesmo, non conserva completa a cruz.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 242)
- XEOLOCALIZACIÓN
- Coordenadas: 42.711356684014 , -8.7247560972866
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.